Më në fund surpriza e madhe e Olsi Bylykut vjen sonte dhe tashmë bëhuni gati ta shihni aktorin e humorit me një rol të ri. Prej kohësh ai kishte parlajmëruar se së shpejti do të vijë me një “late night show”.
Sigurisht dhe promon e emisoinit ai e ka realizuar me doza humori, që i ka bërë të gjithë fansat e tij për të qeshur. Olsi ka zbuluar se spektakli do të mbajë titullin “Roped with Olsi”, me idenë që njerëzit do të qëndrojnë të lidhur pas tij si me një litar.
Emisioni fillon sonte në orën 21:00 dhe ndryshe nga sa mund ta mendoni nuk do transmetohet në TV, por në You Tube. Olsi ka ndarë një foto në rrjetet sociale ku shihet nga studioja e emisionit, teksa ka zbuluar se e ftuara e parë do jetë Fifi.
Fifi dhe Olsi gëzojnë një miqësi të mirë dhe transmetojnë energji super pozitive, andaj bëhuni gati për shumë të qeshura sonte.
Përveç spektaklit të tij, Olsi ndjek edhe punën në Klanifornia duke u shfaqur çdo të shtunë në ekranin e televizionit Klan.
