Ish banori i “Big Brother”, Olsi Klosi ishte i ftuar dje në emisionin “Pop Culture”, ku kishte shkuar së bashku me të dashurën e re që e priste jashtë studios. Ai mbahet mend nga të gjithë dhe është komentuar veçanërisht pas ndarjes së tij me Fjorentinën.
Gjatë intervistës Olsi u surpriza nga një telefonatë live me Fjorentinën, me të cilën me sa tha nuk kishte pasur komunikim që pas shkëputjes së lidhjes së tyre.
Olsi zbuloi se arsyeja e ndarjes me Fjorentinën ishte xhelozia e saj. Siç tha ai, Fjorentina nuk e linte të dilte vetëm, epo nuk mund ta merrte me vete me shokët në disko. Ndërsa ish-banorja e “Big Briother” tha se ai nuk duhet të harronte se kishte edhe të dashur dhe jo të mendonte vetëm për shokët.
Pavarësisht akuzave dhe kundër akuzave biseda e tyre u mbyll në paqe duke i uruar njëri-tjetrit festat e fundvitit.
Olsi nuk e ka zbuluar ende se kush është e dashura e tij e re, edhe pse është përfolur vazhdimisht për lidhje të reja pas fotove që ka publikuar me femra të ndryshme.
