Një gjë e dimë me siguri: Kjo verë i përket Mozzik!
Pasi dogji rrjetin me “Madonna” dhe “PP” në bashkëpunim me Kidën, Mozzik e çoi në një nivel tjetër shprehjen “s’keni parë gjë akoma” dhe është gati sërish të thyejë të tjera rekorde.
Disa ditë më parë reperi i sukseshëm ka publikuar këngën e tij të re të titulluar “Baby” teksa pak minuta më parë ka paralajmëruar një super bashkëpunim me Kmn Azet. Ai ka publikuar një foto në Instastory ku shihet në studio, teksa i ka bërë tag edhe reperit të njohur.
Momentalisht nuk kemi asnjë detaji nga projekti, por me siguri do vijë më shpejt nga sa mendojmë dhe do jetë flakë.
Po ashtu, Mozzik do sjellë edhe një bashkëpunim tjetër me Kidën të titulluar “Kërkun” dhe mesa kemi dëgjuar do jetë pa videoklip, si edhe një këngë me të vëllain, Getinjon. Ndërkohë, albumi i tij MozzArt publikohet më 31 korrik.
Sakaq, Azet u rikthye pak javë më parë pas një shkëputjeje totale disamujore. Ai deri tani ka publikuar tre këngë, mes të cilave edhe bashkëpunimi me Dhurata Dorën ‘Fajet’ , si pjesë të albumit “Fast Life 2” që publikohet në shtator.
https://www.instagram.com/p/CCZQFXVq1-f/?igshid=1dalpsug614ta
