Pas disa fotove të Beyonce-s me vajzën e saj, Blue Ivy, që qarkulluan në rrjet, dy gazetarët Austin Collins dhe Violet Lucca ofenduan 7-vjeçaren për pamjen e saj.
Pasi reperja Megan Thee Stallion publikoi foton e divës së muzikës me të bijën, Collins publikoi një status:
“Kam një parandjenjë se gjenet e fytyrës së Jay Z do të ‘godasin’ fytyrën e Blue Ivy-t dhe më vjen shumë keq për të.”
Në statusin e tij komentoi editorja e “Harper’s Bazaar”, Lucca, e cila u shpreh:
“A nuk e kanë bërë këtë tashmë? Ose ajo do t’i nënshtrohet operacioneve plastike 16-vjeç si Kylie Jenner dhe të gjithë do të hiqemi sikur është dukur gjithmonë ashtu…Nuk ia lejoj vetes të ndihem keq për të pasurit.”
Mirëpo, komentet e tyre ofenduese bënë xhiron e rrjetit dhe nuk e dimë nëse këtu ka gisht Beyonce dhe Jay Z, por dy gazetarët kërkuan falje publike.
Lucca dhe Collins i fshinë komentet e tyre për Blue Ivy-n.
Ky i fundit u shpreh se vajzat me ngjyrë meritojnë gjërat më të mira, ndërsa Lucca tha se pavarësisht të gjithave, Blue Ivy do të ketë sukses dhe do të shkojë shumë larg në të ardhmen e saj.
