Disa orë më parë, Dhurata Dora, Zuna dhe Azet erdhën me një super bashkëpunim që na bëri të gjithëve të kërcejmë!
“Oeo” titullohet projekti që çon peshë shqiptarët, ndërsa videoklipi ka tërhequr vëmendje të madhe. Sapo nis kënga, në klip duken pafund makina luksoze të mbledhura në të njëjtin vend.
Kuriozë të dini kush i bëri bashkë këto makina të shtrenjta? Grupi i madh dhe shumë i njohur i shqiptarëve në Facebook, “Merakli të kerreve”.
Tamam meraklinj, që zgjodhën mjetet më të bukura për këtë videoklip.
“Oeo”është fiks një himn veror! Dhurata goditi edhe kësaj here me projektin e saj. Ajo është një prej gocave më të dashura për publikun shqiptar dhe ndër më të kërkuarat nëpër evente.
Këngëtarja s’ka munguar me performancat e saj nëpër club-e gjatë kësaj vere, ndërsa tashmë playlist-ës do t’i shtohet edhe bashkëpunimi “Oeo”.
Bashkëpunimi i fundit i Dhuratës erdhi me Luciano dhe titullohet “Adrenalina”. Kjo këngë u lançua vetëm dy javë më parë dhe numëron 8,2 milion klikime në Youtube.
Një BOOM të madh Dhurata e bëri vitin që shkoi në bashkëpunim me Noizy-n, titulli i të cilit është “Mi Amor”.
Kuriozë të dini klikimet që ka arritur? Jua themi ne; 95 milionë shikime! Një sukses i vërtetë!
