Hemisfera veriore është në një “moment kritik” të pandemisë nga Covid-19 dhe OBSH ka ngritur sërish alarmin.
Drejtori i përgjithshëmTedros Adhanom Ghebreyesus në një konferencë për shtyp tha ditën e djeshme se muajt e ardhshëm do jenë shumë të vështirë.
Sipas brazilianit, rritja e rasteve ka bërë që pitalet dhe njësitë e kujdesit intensiv të jenë në kufij ose përtej kapacitetit të tyre.
“Muajt e ardhshëm do të jenë shumë të vështirë dhe shumë vende janë në një rrugë të rrezikshme. Rritja e rasteve të regjistruara tashmë po çon spitalet dhe njësitë e kujdesit intensiv pothuajse në kufij ose përtej kapacitetit të tyre, dhe ne jemi ende në tetor”.
Kështu, Ghebreyesus u bëri thirrje liderëve të vendeve që të marrin masa për të parandaluar vdekjet e panevojshme dhe për të kufizuar përhapjen e virusit shpejt.
Ndër rrugët e propozuara nga OBSH për të shmangur karantinimim e dytë janë përmirësimi i testimit, gjurmimi i kontakteve të të infektuarve dhe izolimi i atyre që rrezikojnë përhapjen e virusit.
“Ne i nxisim udhëheqësit të ndërmarrin veprime të menjëhershme, për të parandaluar vdekjet e mëtejshme të panevojshme, shërbimet thelbësore shëndetësore dhe mbylljen e shkollave përsëri. Siç e thashë në shkurt, po e përsëris edhe sot: Kjo nuk është një lojë.”
