Organizata Botërore e Shëndetësisë (OBSH) ka njoftuar se një ëmbëltues artificial i përdorur në Diet Coke “mund të shkaktojë kancer”.
Aspartame, e cila përdoret në mijëra produkte duke përfshirë jogurtin e deri tek Mentos apo Orbit, do të renditet muajin e ardhshëm si “mundësisht kancerogjen për njerëzit” për herë të parë nga Agjencia Ndërkombëtare për Kërkimin e Kancerit (IARC), krahu i OBSH-së për kërkimin e kancerit.
IARC, e cila vlerëson nëse një produkt është një rrezik i mundshëm bazuar në provat e publikuara, ka qenë më parë nën shqyrtim për shkaktimin e alarmeve të ndryshme. Më parë, kjo organizatë e futi punën gjatë natës dhe konsumimin e mishit të kuq si “ndoshta shkaktues të kancerit”, madje dhe përdorimin e telefonave celularë si “ndoshta shkaktues të kancerit”, në mënyrë të ngjashme me Aspartamin.
IARC ka katër nivele të ndryshme klasifikimi – kancerogjen, mundësisht kancerogjen, ndoshta kancerogjen dhe jo i klasifikueshëm. Nivelet bazohen në fuqinë e provave, në vend se sa e rrezikshme është një substancë. Aspartame është përdorur gjerësisht që nga vitet 1980 si një ëmbëlsues dhe gjendet në rreth 6000 produkte si pijet e gazuara dietike, çamçakëzët apo drithërat e mëngjesit.
Udhëzimet se sa është e sigurt për t’u konsumuar do të vijnë nga Komiteti i Përbashkët i OBSH-së dhe Organizatës së Ushqimit dhe Bujqësisë për Aditivët e Ushqimit (JECFA), i cili do të shpallë zbulimet e tij më 14 korrik, në bashkëpunim me IARC.
Për shembull, një i rritur që peshon 60 kg do të duhet të pijë nga 12 deri në 36 kanaçe me pije të gazuara – në varësi të sasisë së aspartamit në pije – çdo ditë për të qenë në rrezik.
