Një trup i pajetë është nxjerrë në breg të detit në Durrës mëngjesin e sotëm.
Burime për “Report Tv” bëjnë me dije se trupi i ende i pa identifikuar, është gjetur rreth 6 milje larg bregut të detit.
Ka qenë peshkarexha “Primo” ajo e cila ka pikasur trupin e pajetë, teksa kthehej nga gjuetia e peshkut.
Pasi kanë pikasur kufomën, personat që ishin në peshkarexhë e kanë marrë dhe e kanë nxjerrë në breg.
Policia mbërriti menjëherë në vendngjarje dhe pritet të bëhet ekspertiza mjekoligjore për të përcaktuar identitetin dhe shkaqet e vdekjes.
