Pas më shumë se gjashtë dekadash, Nutella po sjell një risi historike në tregun amerikan. Marka ikonike e kremit të çokollatës dhe lajthisë ka njoftuar lançimin e Nutella Peanut, një shije e re që kombinon për herë të parë kikirikët e pjekur me recetën klasike të Nutellës.
Shija e re pritet të dalë në treg në pranverën e vitit 2026, duke ofruar një alternativë më të pasur dhe më të “natyshme”, por që nuk ngjan me kremin tradicional të kikirikut. Ajo është gjithashtu shija e parë në SHBA që nuk përmban produkte bulmeti, duke e bërë atë të përshtatshme edhe për ata që ndjekin një dietë pa qumësht.
Nutella Peanut është zhvilluar për më shumë se 5 vite dhe do të prodhohet në fabrikën e Ferrero-s në Franklin Park, Illinois, ku kompania po investon 75 milionë dollarë dhe do të hapë 65 vende të reja pune për të përmbushur kërkesën që pritet të jetë e lartë.
