Kur shumica e nuseve të ardhshme ëndërrojnë për ditën e tyre të dasmës, fantazitë e tyre zakonisht përfshijnë këtu edhe një fustan të bardhë të mrekullueshëm.
Për Sophie Cachia, nga Melburni, kjo nuk ishte ajo që donte për ditën e saj të madhe.
25-vjeçarja vendosi të thyente traditën duke zgjedhur të vishte një fustan të zi, teksa shkonte në altar për t’u martuar me bashkëshortin e saj të ardhshëm.
Jo vetëm që vetë nusja u vesh me fustan të zi, por edhe shoqërueset e saj kishin zgjedhur gjithashtu fustane të zinj.
Blogerja australiane, e cila është nënë e një fëmijë, tha për “Daily Mail” se kishte zgjedhur të vishte ngjyrën e zezë, pasi ajo reflektonte më mirë stilin e saj.
“Gjithmonë vishem me të zeza. Është një ngjyrë që më përshtatet, një ngjyrë e mrekullueshme”, është shprehur ajo.
Edhe bashkëshorti i saj, Jaryd Cachia, theu traditën duke u paraqitur me xhaketë ngjyrë gështenjë të errët me një këmishë kashmir, kravatë të zezë dhe pantallona lëkure.
“Ne nuk e bëmë këtë për asnjë, por për vete, ne donim të vishnim çfarë donim”, tha Jaryd Cachia.
Burimi: Daily Mail
