Nxënësit e shkollës 9-vjeçare ‘Don Martin Trushi’ në fshatin Stajkë të bashkisë Vau i Dejës, kanë bojkotuar mësimin pasi shkolla nuk po ju siguron ngrohjen me kaldajë.
’BalkanWeb” raporton se kjo shkollë është ndërtuar para një viti dhe ka sistemin e kaldajës me naftë.
Kaldajat nuk mund të vihen në funksion për shkak se automati i shkollës është me një fazë dhe nevojitet tre fazor për ta përballuar ngarkesën e kaldajave bën të ditur drejtoresha e shkollës, Violeta Malaj.
Sipas saj, OSHEE ka marrë përsipër që ta zëvendësoje automatin, por për këtë bashkia Vau Dejes duhet të paguaj një fature prej afro 250 mije lekësh të vjetra qe ende nuk e ka paguar.
Nxënësit dhe prindërit dorëzuan në shkollë një peticion, ndërsa shprehen se bojkoti i mësimit do vijojë derisa të sigurohet ngrohja ne ketë shkolle me kaldajë duke qene se gazi (me të cilin ngrohen) është i dëmshëm.
