Një mjek shqiptar që është pjesë e grupit të bluzave të bardha që shkuan drejt Italisë për t’i ardhur në ndihmë vendit atje, ka rrëfyer sesi vendosi të largohet pa ju thënë gjysmë fjale prindërve të tij.
Duke folur për emisionin “Open”, Ermal Pashaj, një nga 10 mjekët që shkuan në Itali, u shpreh se përballjen me prindërit e shikonte të pamundur.
Ai tha se ka studiuar në Itali dhe lidhja me vendin fqinj e bëri të mundur largimin atje, ndonëse në kushte tepër të rrezikshme duke qenë se do të punojnë në një nga zonat me shpërthimin më të madh të koronavirusit, në Bergamo.
“Jam i diplomuar me një universitet që ka lidhje me Italinë. Kam bërë dy universitete. Kam pasur një lidhje të veçantë me popullin italian. Por edhe nëpërmjet punës. Na japin edhe fuqi këto falenderimet na bëjnë edhe pak të hutuar se nuk jemi mësuar me këtë vëmendje”, tregoi Pashaj për emisionin “Open”.
Si e more vendimin për të shkuar në spitali ku rrezikohet jeta?
Unë prindërve të mi nuk u thash se po vij në Itali. E mendova të pamundur përballjen me ta. Është viti i 17 në këtë degë. Dhe kjo është jeta ime dhe vendimi që kam marrë. Ka një mision që nëse nuk e jep, diçka të mbetet bosh. Për ta është më e vështirë se sa për ne. Unë punoj pranë një strukture private spitalore. Aty jam rritur dhe kam marrë eksperiencat. Por edhe ne Romë që kam gjetur mbështetje. Më vinte mall të mos i përgjigjesha.
Një pjesë e jona ka studiuar në fakultete italiane dhe janë të aftë të licensuar për të punuar në Itali. Është bërë një punë në përkthimin e CV dhe gjithë natën jemi marrë me këto. Edhe për kapacitetin për të dhënë ndihmë. Ne nuk do të bëjmë mrekullinë se ka mjekë dhe mendje. Por duhen në linjën e parë.
/TCH
