Pas ndarjes nga Gigi Hadid, Zayn Malik po përpiqet të fillojë një kapitull të ri. Pasi fshiu të gjitha fotot në “Instagram”, përfshirë edhe ato me supermodelen, tani këngëtari po planifikon të fshijë edhe tatuazhin dedikuar ish-të dashurës.
25-vjeçari ka realizuar një tatuazh në kraharor të syve të Gigi-t, të cilin sipas burimeve të afërta të tij po mendon që ta fshijë.
Nga ana tjetër, supermodelja nuk ka bërë asnjë ndryshimin në rrjetin e saj social, vazhdon të mbajë postimet me ish-in dhe madje javën e kaluar pëlqeu një postim të tij.
Çifti i famshëm i dha fund marrëdhënies së tyre pas 2 vitesh lidhjeje dhe lajmin e bënë publik përmes një postimi. Pavarësisht se u shprehën se do të kishin një marrëdhënie të mirë pas ndarjes, detajet e fundit tregojnë të kundërtën.
