Ka gjëra që nuk mund të shpjegohen me fjalë, por me një fjali të vetme këngëtarja e njohur shqiptare, Marsela Çibukaj ka pranuar se është e dashuruar me këngëtarin Vitmar Basha.
Përmes disa fotove të shkëputura nga koncerti i Vitmarit, i cili prezantoi albumin kushtuar Marselës, këngëtarja ka konfirmuar romancën.
“Ka gjëra që nuk mund të shpjegohen me fjalë, veçanërisht dashuria”, shkruan Marsela.
Në fillim të shkurtit, këngëtari i njohur Vitmar Basha rrëfeu për herë të parë se është në një lidhje me Marsela Çibukajn.
Në një intervistë për emisionin “Lart e poshtë” ndër të tjera ai pranoi se motivi i tij për albumin e ri është pikërisht ajo.
Vitmari theksoi se Çibukaj ka qenë shtysa kryesore e gjithçkaje dhe e ka quajtur këngëtaren muzë të tij.
Artisti i njohur ka jetuar në Itali për 15 vite, por në vitin 2009 u kthye sërish në Shqipëri për t’i dhuruar publikut shqiptar muzikë të mirë. Ndër vite ai ka prodhuar hite mjaft të pëlqyera që vazhdojnë të dëgjohen edhe sot.
