“That’s mine” mban titullin bashkëpunimi i parë muzikor mes reperit Gashi dhe Ledri Vulës. Reperi Gashi ka publikuar një sekuencë të këngës në profilin e tij në “Instagram”. Ata kanë zgjedhur ta performojnë për herë të parë këngën në Sunny Hills Festival dhe duket se turma e ka adhuruar menjëherë.
Ndërsa Gashi këndon në gjuhën angleze, reperi Ledri Vula i qëndron besnik si gjithmonë gjuhës shqipe.
Ledri Vula shfaqet gjatë performancës së Gashi-t me flamurin shqiptar të hedhur pas krahëve, e nisin të performojnë këngën e tyre.
Kënga është shkruar nga vetë Gashi dhe i dedikohet Kosovës, adheut të tij.
“Pra kam bërë një këngë për Kosovën të titulluar ‘That’s mine’ dhe unë me Ledrin e xhiruam klipin duke ecur rrugëve të Prishtinës dhe duke u dhuruar akullore dhe para të rinjve, pasi më mbeteshin vetëm pak orë përpara se të nisesha për të xhiruar klipin e këngës ‘Creep on me.”-ka treguar më herët Gashi.
Ende nuk dihet se kur do të publikohet kënga, por me siguri do të jetë një tjetër sukses i dy reperave shqiptarë.
