Britney Spears ka folur hapur së fundmi për përfshirjen e familjes në karrierën e saj. Ajo ka dalë kundër babait të saj, Jamie Spears, teksa ka folur për të ardhmen e karrierës së saj.
“Shikoni, nuk do të performoj në asnjë skenë këto kohë, sepse babai im vendos si do vishem, çfarë do të them, çfarë do bëj apo mendoj. E kam bërë këtë gjë për 13 vitet e fundit. Më mirë të publikoj video nga dhoma ime e ndenjes se sa në skenat në Vegas.
Dhe nuk do të bëj më grim të rëndë. Nuk do të këndoj më në skenë miksimet e këngëve të mia dhe të lutem që të më vendosin këngët e reja në spektaklin tim për fansat e mi… kështu që unë heq dorë”, është shprehet Spears.
Ajo tregon se nuk i ka pëlqyer aspak fakti që motra e saj vendosi një miksim në vend të këngës së saj origjinale gjatë Icon Award në vitin 2017.
“Nuk më pëlqen që motra ime u shfaq në një spektakël dhe performoi këngët e mia të miskuara! I ashtuquajturi sistem i mbështetjes më ka lënduar thellë. Kjo kujdestari më ka vrarë ëndrrat… kështu që e gjitha çfarë kam është shpresa dhe shpresa është gjëja e vetme në këtë botë që nuk vritet lehtë… edhe pse njerëzit tentojnë ende ta bëjnë”, thotë këngëtarja.
View this post on Instagram
Gjithashtu ajo ju ka bërë thirrje njerëzve që nuk i pëlqejnë videot e saj duke kërcyer të mos e ndjekin më në rrjete sociale nëse nuk dëshirojnë ta shohin. Kujtojmë se prej kohësh Britney Spears është në luftë me babain e saj dhe po përpiqet që së shpejti të shpëtojë nga kujdestaria e tij.
