Një festë të madhe ku gjithçka, që nga torta e deri të veshjet ishte ngjyrë rozë, u organizua nga Zaimina Vasjari me rastin e shtatzënisë.
Zaimina na siguroi 100 % se është në pritje të një vogëlusheje dhe madje tregoi dhe emrin e zgjedhur. Zai ka vendosur ta quajë Khloe, vogëlushen e cila do ta bëjë mama për herë të parë.
Të ftuara ishin mikeshat e saj të ngushta dhe këtë u kujdes Zaimina për të na e treguar me foto dhe video në Instagram. Pikërisht nga këto foto ne vumë re një mungesë të papritur në festë.
Mikesha e ngushtë e Zait, Rezarta Shkurta, nuk ka qenë e pranishme në festë. Ndoshta për shkak të ndonjë angazhimi dhe le të shpresojmë kështu. Por teksa kontrolluam pak në profilin e Rezartës në Instagram, nuk pamë asnjë postim për mikeshën e saj Zai, të cilës, pak muaj më parë i bëri një super surprizë për ditëlindje.
Zaimina dhe Rezarta, as nuk e ndjekin njëra-tjetrën në Instagram dhe kjo bën që të lindin dyshimet se mes vajzave mund të ketë një krizë. Shpresojmë që kjo të jetë vetëm një keqkuptim nga ana jonë.
