Dojna Mema ka publikuar rreth 1 vit më parë në profilin e saj në “Instagram’ një pikturë të piktorit francez Gustave Courbet që ka ngjallur jo pak debat. Në qendër të pikturës është organi gjenital i një femre, që simbolizon origjinën e gjithë botës dhe prandaj piktura mban këtë titull.
“L’Origine du monde”- “Origjina e botës”, një pikturë e realizuar në 1866 dhe jo rastësisht, kjo pikturë ka zënë vend të rëndësishëm në historinë e pikturës moderne.
View this post on Instagram
Pavarësisht mesazhit që vepra përcjell, shumë komentues në profilin e moderatores kanë marrë vetëm kuptim eksplicit të saj dhe nuk e kanë pritur mirë. Shumë prej tyre janë shprehur se një profil publik nuk duhet të bëj të tilla postime, duke e trajtuar si pornografi.
Pas “lumit” të komenteve negative, Dojna foli përmes “Instagram-it”, duke shprehur keqardhje se si ka kaq shumë reagime për një vepër arti që përcjell një mesazh të rëndësishëm dhe askush nuk ngrihet kaq ashpër kur vriten gra në Shqipëri. Ndërkohë, sot rreth një vit pas këtij postimi ajo ka folur sërish rreth bujës së madhe.
Teksa mori pjesë në rubrikën “Trotuar”, të “E diell”,emisioni ku ajo bën pjesë tashmë, Dojna risolli në vëmendje tha se u ndeshë me sulme nga më të paimagjinueshmet. Ajo në fakti tregoi se ky ishte një eksperiment që kishte dashur të realizonte me partnerin e saj, Vlashent Sata.
Por, fatkeqësisht vunë re se reagimet ishin totalisht të kundërtat, duke nxjerrë në pah një rast konkret seksizmi.
“Dua t’ju tregoj një rast konkret seksizmi që mua më ka prekur. Përpara një viti unë publikoj në Instagram një pikturë që bëri një bujë të jashtëzakonshme. Kam qenë në Paris, në Musée d’Orsay, një nga ato ikjet e mia të dashurisë. Fotografoj të famshmen, ‘Origjinën e botës’, të Gustave Courbet. Aty është organi gjenital femëror, i pikturuar ashtu siç është realisht. Këtë gjë unë e publikoj në rrjetet e mia sociale. Sigurisht që prisja bujë, por nuk prisja të më shanin nga nëna, nga gjyshja, nga babai, ndjesë pastë, që kishte vetëm 3 muaj që kishte ikur nga kjo botë. Është bërë një tmerr i madh. Çfarë ndodh?! Ne bëmë një eksperiment me të dashurin tim. Ai poston të njëjtën foto në Instagram. Dhe përveç kategorisë së artistëve që thoshin që është patjetër një vepër arti, pjesa tjetër ishin çunat e lagjes që thoshin: ‘O lale, bravo, të lumtë’! Ky është një rast konkret seksizmi”, -u shpreh Dojna.