Një i ri nga Lushnja nuk pranoi divorcin nga ish-bashkëshortja dhe vendosi që ta merrte forcërisht. Historia u denoncua nga babai i 27-vjeçares, i cili deklaroi në Policinë e Lushnjës se ish-dhëndri i tij, bashkë me 2 persona të tjerë i morën me forcë të bijën nga shtëpia.
Policia pas denoncimit arriti ta gjurmonte nëpërmjet telefonit të riun pengmarrës, duke i kthyer vajzën familjes së saj.
Brenda 24 orësh u arrestua Marjus Musakën dhe u lirua ish-bashkëshortja e tij, P.M., pasi u gjetën në një banesë në Durrës.
Mësohet se çifti ishte divorcuar 6 muaj me parë për shkak se, Marjusi e dhunonte sistematikisht të shoqen. Kjo e fundit pasi ua tha problemin prindërve, këta të fundit nuk e lejuan që të jetonte më me burrin. Ky ishte dhe fundi i martesës së tyre, por që nuk u pranua nga i riu, i cili kërkoi rikthim dhe pasi mori refuzimin nga e reja vendosi ta rrëmbente.
Ndaj të arrestuarit Marjus Musaka rëndojnë veprat penale “Heqja e paligjshme e lirisë” e kryer në bashkëpunim dhe “Dhunë në familje”.
Burimi: Panorama
