Javën e kaluar, banorët e shtëpisë se “Big Brother VIP Albania” iu nënshtruan një mënyre të pazakontë nominimesh. Ata u ndanë në dy grupe me lider Donaldin ose Ilirin dhe secili prej tyre duhet të zgjidhte skuadrën përkatëse. Zgjedhjet e secilit banor kanë shkaktuar polemika të ndryshme dhe gjatë gjithë javës janë diskutuar arsyet e mundshme.
Kryesisht është përfolur për Donaldin i cili ka vendosur të shpëtojë Arjolën, duke çuar kështu në nominim Antonelën dhe Dj Dagz.
“Nuk të mendoj si rivale. Unë mendova se do të ishte një gjë në lidhje me nominimin me mua dhe me Donaldin se cili do të dalë jashtë shtëpisë menjëherë,”-i tha Iliri Arjolës.
“Ky është një zinxhir edhe një zinxhir i zgjedhur nga dy persona”,-tha Arjola.
“Edhe pse nuk më shpëtova mua e dija që nuk e kishe me qëllim,-i tha Antonela Donaldit.
Është diskutuar gjithashtu edhe zgjedhja e Einxhel për t’u bashkuar me grupin e Ilirit. E pyetur se pse veproi kështu, gazetarja u përgjigj se ishte një veprim intuitiv dhe jo i vendosur me zemër. Ajo tha se veprimi i saj do të ndihmontë Donaldin nëse do të duhej të zgjidhte një nga grupi i tij për të nominuar.
“Ma tha intuita, nuk po luajmë me zemër dhe pyetja nuk ishte se kë do më shumë. Plus nuk doja t’i prishja punë Donaldit nëse do duhej të kalonte dikë në nominim” –u shpreh Einxhel.
