Më në fund, Xhani Shqerra zbuloi se ky sezon i ri televiziv do e gjej në një “shtëpi” të re. Përmes një postimi në rrjetet sociale, moderatori ka bërë të ditur se është pjesë e televizionit “Klan Plus”, pa zbuluar detajet e emisionit. Xhani duket shumë entuzjast për sfidën e re në ekran dhe premton se do ta shohim në një tjetër dimension.
“Ju premtova se do të shiheshim në dimensione të reja dhe e mbajta fjalën. Kjo sepse komunikimi me të gjithë ju, për të bukuren, nuk është vetëm një mision për mua, por një filozofi jete. Nëse kthej koken pas kujtoj me shumë respekt familjen e fisshme te Tring, e cila më hapi dyert e me mësoi të besoj te idetë e pasioni im. Sot jam gati për të marrë disa përgjegjësi më të mëdha e për të vazhduar këtë mision në një familje të re por me themele të forta, vlerat e të cilës janë një pasuri kombetare, për të informuar, komunikuar, kulturuar dhe zbavitur, nga shqiptareët për shqiptarët, në Klan! Shihemi ne Klan Plus! Bekime” – shkruan krahas postimit Xhani Shqerra.
Prej disa vitesh, Xhani Shqerra së bashku me Brunilda Lahe, moderuan emisionin “Living”, i cili ishte i ndërtuar si një reality në terren.
