Në muajin mars, Ashley Tisdale u bë nënë për herë të parë. Këtë lajm 35-vjeçarja e ndau me fansat e saj në rrjetet sociale ku tregoi se ishte bërë me një bebushe vajzë.
Ashley postoi një foto të dorës së vogëlushes dhe dorës së bashkëshortit, muzikantit Christopher French. Çifti e ka pagëzuar vajzën me një emër shumë të veçantë: Jupiter Iris French.
“Jupiter Iris French mbërriti në tokë në datë 23 Mars 2021”, shkroi krahas fotos aktorja.
Ndërkohë së fundmi, Ashley ka folur hapur në lidhje me shqetësimin që ka aktualisht për trupin e saj. Aktorja ka bërë një postim në faqen e saj, në të cilin ka folur për trupin pas lindjes së vajzës dhe nuk ndihet e lumtur nën lëkurën e saj.
“Ka shumë modele dhe influencuese që i kam krahasuar me rrugëtimin tim personal. Dhe pastaj mendoj, prit pak këto kanë lindur një fëmijë dhe duken kështu??”, është shprehur Tisdale, teksa ka shtuar se për shkak të Instagramit mund të bëhen shumë krahasime të dëmshme.
Ajo ka treguar se ka punuar shumë fort për të humbur peshë pas lindjes së vajzës, por siç duket nuk ka marrë ende rezultatet e dëshiruara.
“Kam ecur, kam bërë pilates dhe ende nuk ndihem komode me trupin tim”, ka pranuar aktorja.
Ajo ka treguar se disa xhinse të vjetra i bëjnë ende, por nuk janë në masën që kanë qenë para shtatzënisë. Më pas qëndrimi i saj ndryshoi, teksa foli për disa mikesha të saj që janë bërë nëna së fundmi dhe krahasojnë trupin e tyre me të sajin.
“Këtu kuptova se nuk duhet të krahasojmë trupat me njëri-tjetrin. Të gjithë kemi rrugëtim të ndryshëm dhe është e rëndësishme që të mos ju transmetojnë ndjenja negative trupave tanë”, është shprehur Tisdale, duke e mbyllur rrëfimin e saj me një këshillë:
“Dashuroni veten tuaj së pari!”.
View this post on Instagram
