Nuk ndalojnë protestat e studentëve! Sot mblidhen sërish: “Të na plotësohen të gjitha kërkesat”

Kauza për uljen e tarifave bashkoi qindra studentë ditën e djeshme, jo vetëm në Tiranë, por edhe në Durrës, Elbasan, Korçë dhe Shkodër.

Pavarësisht se ministrja e Arsimit, Lindita Nikolla, njoftoi mesditën e së enjtes për heqjen e tarifës së provimeve të mbartura, studentët nuk tërhiqen nga protestat e tyre deri në plotësimin e të gjitha kërkesave.

Lexo edhe :

Operacion antidrogë në Stamboll, mes 7 të ndaluarve edhe aktorja e njohur

23:43 19/12/25

Mijëra dosje të Epstein dalin në dritë, publikohen fotot me Clinton, Michael Jackson dhe Mick Jagger

23:19 19/12/25

Sërish edhe sot bankat e Universiteteve publike, në kryeqytetet dhe jo vetëm do të jenë të boshatisura, pasi në orën 10:00 studentët do të mblidhen para Ministrisë së Arsimit në ditën e tretë të protestës së tyre.

“Në orën 10:00 bashkohemi e protestojmë të gjithë para Ministrisë së Arsimit! Nuk ndalemi deri në realizimin e plotë të kërkesave!”, bëri apel Lëvizja për Universitetin.

Katër kërkesat e studentëve drejtuar Ministrisë së Arsimit janë:

1.Anulimi i VKM për tarifa shtesë.

2.Përgjysmimi i tarifës së studimit.

3.Përmirësimi i kushteve të konvikteve.

4.Bordi i Administrimit të ketë̈ numër të barabartë votash mes fakulteteve dhe Ministrisë se Arsimit, duke shtuar një̈ përfaqësues nga studentët në bord.