Shqipe Hysenaj ndonëse ka muaj që është larguar nga “Për’puthen” vendoset hera-herës në qendër të vëmendjes me deklaratat e saj dhe të palarat që pretendon se tregon për konkurrentët aktual dhe emisionin. Së fundmi, ajo ka qenë e ftuar në emisionin ‘Glamour Zone’, ku ka folur për jetën private, i kërkoi falje publike babait të saj, tregoi për djalin që e zhgënjeu, si edhe tha 1001 të zeza për Ana Lleshin dhe Tea Trifonin.
E pyetur se cilat janë personazhet më ‘fake’ (fallco) të showbizit shqiptar, ajo u shpreh se personazhet publike që unë njoh mirë janë ata të “Për’puthen”. Dhe mes tyre veçoi Tea dhe Ana 1. Për këtë të fundit tha se historinë e familjes ia ka treguar ndryshe asaj dhe ndryshe publikut. Kurse për Tean tha se ka fjalor të papërshtatshëm.
Në prapaskenë nuk janë aspak siç dalin në ekran. Tea ka një fjalor shumë te pisët, ndërsa Ana është komplet e pafytyrë. Ndryshe ma tha mua historinë e familjes së saj në fillim, ndryshe e tha në publik.
Shqipja po ashtu është rrëfyer edhe rreth një histori dashurie, duke treguar se djali në fjalë, nuk ka qenë i sinqertë me të.
Ka ndodhur kur isha 20-vjeç. Kisha lidhje me një djalë që mashtronte shumë. Ishte i tmerrshëm. Ai më mësoi t`i kapja mashtrimet në ajër. Pavarësisht se e bëja zap, prap nuk hoqi dorë nga mashtrimet.
Kujtojmë se më herët këtë javë, bëri super bujë një video e postuar nga Shqipe Hysenaj ku ajo thoshte se “demaskonte” Andin. Shqipja ka publikuar sot disa mesazhe zanore që Andi i ka dërguar në WhatsApp, që vërtetojnë të kundërtën e mbështetjes së tij për Tean kur kjo e fundit ishte përplasur me Shqipen.
Shkak i reagimit të Shqipes është bërë deklarata e nënës së Andit që shprehet se djali i saj s’ka patur asgjë me atë, por donte vetëm të shihte reagimet e Teas. Në mesazhet e publikuara prej saj, Andi shprehet se pas Teas nuk ka dalë sepse i interesoi shumë ajo që e preku atë, por për diçka tjetër. Për ta nxjerrë situatën në favor të Shqipes.
Kjo e fundit shkruan se mes tyre ka patur ndjenja që u shuan më vonë. Por, nuk janë tallur që të bëjnë xheloze Tean.
Ajo shprehet se Andi është mashkulli më i pafytyr që ka njohur dhe i kërkon të jetë realist. Madje në një pjesë ai e cilëson veten si “burri i Shqipes”, kur i thotë tu tregojë familjarëve të saj të vërtetën siç është.
“Kështu që pse nuk ua argumenton. Derisa janë familjarët e tu tregua gjërat siç janë. Se tek e fundit, burri jot është ai që po përgojojnë”.- shprehet Andi.
