Donald Trump, ishte një nga president më kontravers që ka patur Amerika.
Në diskursin e tij mund të dëgjoje shpesh pakënaqësinë e tij ndaj mediave dhe sulmin ndaj ‘fake news’.
Sikurse e kishte paralajmëruar disa kohë më parë, ish-presidenti amerikan Donald Trump do të hapë rrjetin e tij social të quajtur “Truth Social”. Donald Trump deklaroi se ky rrjet do konkurrojë rrjetet e tjera si Facebook apo Twitter.
“Jam i emocionuar që do ju shpërndaj të vërtetën nëpërmjet rrjetit Truth”, -ka shprehur Trump.
TRUTH Social do të krijohet përmes një kompanie të re të formuar nga bashkimi i Grupit të Mediave dhe Teknologjisë Trump dhe një kompanie të veçantë blerjeje (SPAC), sipas një njoftimi për shtyp të shpërndarë nga të dy organizatat.
Twitter, Facebook dhe platforma të tjera të mediave sociale e ndaluan Trumpin nga shërbimet e tyre pasi qindra mbështetës të tij bënë protesta në Kapitolin e SHBA më 6 Janar.
Kjo protestë erdhi pas një fjalimi të Trump në të cilin ai pretendoi se zgjedhjet ishin mashtrim dhe se u vodhën. Kjo situatë nxiti dhunë dhe Twitter e Facebook vendosën ta ndalonin ish-presidentin të shkruante statuse.
Më pas kudo në rrjet pati polemika ku diskutohej nëse ish-presidentit ju cënua e drejta e fjalës apo jo.
