Tristan Thompson duket se po përpiqet të fitojë Khloe Kardashian përmes vajzës së tyre True.
Vetëm një orë përpara se të postonte në llogarinë e tij të “Instagram” një kërkesë faljeje për yllin e “Keeping Up With The Kardashians”, Tristan u fotografua duke i dhënë 100 trëndafila të kuq True-s.
Ai u kap nga kamera duke i dorëzuar vajzës së tij dhuratën e shtrenjtë vetëm disa minuta para se t’i lutej Khloe që ta falte pasi një test i atësisë vërtetoi se ai kishte një fëmijë pas shpine.
Basketbollisti ishte në një lidhje me Khloe – e cila tashmë e kishte falur atë që e tradhtoi dhe e poshtëroi publikisht dy herë – kur ai fjeti me Maralee Nichols dhe e la shtatzënë.
Ai fillimisht ishte përpjekur ta mbyllte të gjithën përpara se të pranonte se kishte fjetur me të, por këmbënguli se nuk ishte babai i djalit të saj, të lindur më 1 nëntor.
Ndërkohë, ditën e djeshme më në fund Tristan mbajti përgjegjësi lidhur me atësinë e tij.
“Sot, rezultatet e testit të atësisë zbuluan se unë linda një fëmijë me Maralee Nichols. Unë marr përgjegjësinë e plotë për veprimet e mia. Tani që atësia është vendosur, pres me padurim ta rritim miqësisht djalin tonë”, ka shkruar 30-vjeçari. “Unë sinqerisht u kërkoj falje kujtdo që kam lënduar ose zhgënjyer gjatë gjithë kësaj sprove, si privatisht ashtu edhe publikisht.”-shkroi ai në “Instagram”
Nga ana tjetër, burimet tregojnë se për Khloe-n ky është një kapitull i mbyllur dhe s’do ta falë më kurrë babain e vajzës së saj.
