Viti 2016 mund të quhet pa frikë, viti i motrave Hadid. Pjesëmarrja në sfilatën e Victoria’s Secret i dha vulën aktiviteteve të rëndësishme ku morën pjesë Gigi dhe Bella Hadid.
Por për bukuroshen brune duket se nuk ka mbaruar viti i surprizave. Bella Hadid ka lajmëruar bashkëpunimin e saj të parë si stiliste me “Chrome Hearts”.
E entuziazmuar për atë që pritet të na sjellë, Bella ka shkruar se koleksioni i ri i firmës së njohur do të dizenjohet nga vetë ajo dhe na le të kuptojmë se do të jetë me të vërtetë diçka e bukur.
Më parë, motra e saj Gigi, zbuloi një bashkëpunim me Stuart Wetizman për një linjë këpucësh.
