Këngëtari i njohur amerikan, French Montana, ka publikuar dje klipin e tij të ri, “Famous”, pjesë e të cilit është një emër shumë i dashur për të gjithë ne.
Bëhet fjalë për këngëtaren shqiptare Dafina Zeqiri, e cila njihet për miqësinë që ka me Montana-n. Kjo nuk është hera e parë që Dafina shfaqet bashkë me të në një klip. Herën e parë që i pamë bashkë ishte në klipin “Four season”, të këngëtares, ku dyshja dukeshin se kishin një raport shumë të afërt.
Ndërkohë në klipin e ri “Famous”, Dafina shfaqet thjesht si figurante dhe nuk këndon. Gjithsesi, fakti që një shqiptare shfaqet në klipin e French Montana-s, na gëzon pa masë. Shpresojmë që kjo t’i hapë rrugë Dafinës për projekte të tjera akoma më interesante.
