Këtë të shtunë, emisioni i dashur për publikun, “Shiko kush luan” nisi sezonin e tretë.
Nën moderimin e Luana Vjollcës dhe dy kapitenëve, Flor Binaj dhe Rezart Veleshnja, emisioni e nisi me sukses puntatën e parë.
“Top Channel” ka publikuar një lajm, ku tregon se “Shiko kush luan” ka thyer rekorde shikueshmërie dhe videoja e publikuar në Youtube ka marrë më shumë se 400 mijë klikime.
“Programi zë vendin e parë mes shikuesve shqiptarë në Greqi, vendin e dytë në Gjermani e Maqedoni dhe një vend të favorshëm në SHBA. Ai mbahet si i pari emisioni trend i cili ka thyer rekorde në shikueshmëri dhe preferencë nga audienca. “Shiko kush luan” është krijuar, ideuar dhe moderuar nga Luana të cilës i vijnë në ndihmë dy kapitenët dhe stafi”, shkruan ‘Top Channel'”.
Në puntatën e parë u zbulua se Fifi nuk është larguar nga emisioni, por ajo ishte thjesht një shaka, ndërsa në fund po me shaka, Luana tregoi se do të martohet vitin tjetër.
