Kim Kardashian ka folur së fundmi për jetën e saj, ku theksoi se ka shumë talente!
“Unë mund t’ju jap një milion talente. Mund të gatuaj mirë, mund t’ju tregoj gjërat më të çuditshme në planet. Por, mendoj se talenti im është marketingu dhe biznesi pas shitjes së produkteve dhe të dish se çfarë dëshiron klienti dhe ta bëj atë të ndihet i arritshëm”, tha Kim Kardashian për revistën Interview.
Më tej, Kim shtoi se asaj nuk i intereson se çfarë mendojnë të tjerët për të.
“Vërtet nuk më intereson se çfarë mendojnë ose thonë njerëzit për mua”, vijoi ajo.
Kim Kardashian dhe Pete Davidson i dhanë fund lidhjes së tyre por kjo s’do të thotë që dyshja të mos flasin mirë për njëri-tjetrin.
Së fundmi, Kim ka folur për komedianin e njohur gjatë intervistës me prestigjiozen “Interview”.
“Ai është i lezetshëm,” nënvizoi Kim. “Ai është me të vërtetë një person kaq i mirë. Jam e emocionuar për atë që ai ka sjellë.”
Sipas Radar Online, gjërat po ecnin paksa shumë shpejt për Kim, e cila filloi të takohej me Davidson në fund të vitit 2021. E ndërsa ajo kishte shpresuar të ngadalësonte gjërat për sa i përket romancës së tyre, njujorkezi dyshohet se e trembi atë duke i bërë pyetjen e rëndësishme për martesë.
“Ai është i shkatërruar. Të gjithë e paralajmëruan se ajo do ta largonte, por ai nuk e dëgjoi”, tha burimi. “Mos harroni, ky është i njëjti djalë që i propozoi Ariana Grandes pas vetëm disa javësh. Pete nuk mësoi asgjë nga ajo marrëdhënie.”
