Moderatorja Anjeza Maja ka vendosur të braktisë ekranin e “Top Channel”, ku prej më shumë se tre vitesh i ishte besuar prezantimi i emisionit të mëngjesit.
Burime për “Anabel.al” shprehen se në sezonin e ri televiziv, Anjezën do e shohim në televizionin “Klan”. Moderatorja shqiptare është shprehur se ka dëshirë t’i dedikohet më shumë jetës së saj, ndaj ka zgjedhur të jetë pjesë e një programi me pak impenjime.
“Besoj që ishte mjaftueshëm eksperienca me emisionin e paradites. Po, kam diçka me Klan-in por nuk do të jem si prezantuese por si protagoniste. Është më shumë diçka që dua ta bëj për kënaqësi. Ky është një vit ku dua të merrem me jetën time, seriozisht. Kam një biznes të vogël që po e ndërtoj dhe do të më kërkojë më shumë impenjim. Kështu, televizionin dua ta shijoj këtë vit me dritat e bukura të spektaklit, vetëm kaq.”- është shprehur Anjeza Maja, duke mos dhënë shumë detaje në lidhje me programin që do të nisë në sezonin e ri teleziv në televizionin “Klan”.
