Javën e shkuar Kim Kardashian firmosi letrat e divorcit nga Kanye West. Pas një periudhë të gjatë thashethmesh, mediat e huaja raportuan se ylli i “Keeping Up With The Kardashians” i kishte dhënë realisht fund martesës, prej gati një dekade, me reperin. Ndërkohë që dy protagonistët nuk kanë folur fare në lidhje me këtë çështje, Kim ka lënë të kuptohet përmes një postimi në Instagram se ka mbaruar gjithçka dhe se ajo nuk është shumë e lumtur për divorcin.
Ajo ka publikuar një video duke udhëtuar me makinë, teksa dëgjonte një këngë ndarje. Bëhet fjalë për këngën “Drivers License” nga Olivia Rodrigo, që ishte e para në listat muzikore në Britaninë e Madhe në fillim të këtij viti.
“Dhe gjithë miqtë e mi janë të lodhur duke dëgjuar sa shumë më mungon, por unë ndihem keq për ta, sepse ata nuk do të njohin kurrë ty në mënyrën si të njoha unë”, thuhet në një pjesë të këngës.
Kjo do të thotë se dhe Kim është si çdo grua e vajzë pas një ndarje të vështirë, që bëhet nostalgjike e kujton kohët më të bukura. Ndërkohë kujtojmë se mediat e huaja kanë raportuar se Kim ka kërkuar që të marrë kujdestarinë e 4 fëmijëve pas divorcit me reperin. Gjithashtu është bërë e ditur se divorci i tyre prej 2.1 miliard dollarësh do të transmetohet në sezonin e fundit të “Keeping Up Ëith the Kardashians”, ku do të nxirren në pah detaje të reja nga ndarja e tyre. Sipas burimit, divorci do të transmetohet në sezonin e fundit të “KUËTK” dhe do të jetë një temë diskutimi për shfaqjen e tyre të re.
