Migena Gjata është motra e madhe e këngëtares së mirënjohur Elvana Gjata. Pak e njohur për publikun shqiptar, por që po i ngjit shkallët e karrierës në interpretimin e muzikës lirike në Gjermani.
Në kuadër të tetorit gjerman, Migena, do të realizoj për herë të parë një koncert të sajin recital.
Të shtunën në mbrëmje në orën 19:00, në sallën e Madhe të Universitetit të Arteve, ju pret arti vokal i romanticizmit me sopranon Migena Gjata, dhe në piano do të jetë Günther Albers. Sopranoja e njohur do të perfomojë para publikut shqiptar, vepra nga Schumann, Wolf, Schubert, Webern.
Gjata do e mbyllë mbrëmjen e së shtunës me Strauss. Për të gjithë ju artdashës, e shtuna në kryeqytet do të jetë ndryshe me Migena Gjatën.
