Një ditë pas lajmit se moderatorja Nevina Shtylla dhe gazetari Eni Shehu, kanë pasur një mosmarrëveshje dhe nuk flasin me njëri-tjetrin, ka mbërritur dhe reagimi i parë.
I pyetur nga “Class” në lidhje me këtë lajm, Eni Shehu ka reaguar se ai nuk ka pasur kurrë momente shoqërore me Nevinën,
“Me Nevinën nuk kemi ndarë kurrë momente shoqërore. Kemi bashkëpunuar dhe kemi qenë kolegë korrekt, por miqtë secili i zgjedh sipas dëshirës, edhe në rrjetet sociale”, është shprehur gazetari.
Një shkas për këtë debat kuptohet disi edhe në emisionin me Dojna Memën kur Nevina pyetet pse nuk e ndjek në rrjete sociale ish-kolegun.
“Ma ka bërë bllok”, shprehet Shtylla duke buzëqeshur.
Nuk e dimë nëse ky konflikt ka ndodhur pas largimit të moderatores, e cila këtë sezon kaloi në televizionin “Top Channel” duke moderuar ‘Procesi Sportiv’ krah Edi Manushit.
