Joe Biden bëri sot betimin si President i 46-të i SHBA-ve. gjatë ceremonisë së inaugurimit ai mbajti edhe fjalimin e parë si president.
“Sot festojmë triumfin e kauzës së demokracisë. “Tani, në këtë tokë të shenjtë, ku vetëm pak ditë më parë dhuna kërkoi të trondisë vetë themelin e Kapitolit, ne bëhemi së bashku si një komb, nën Zot, i pandashëm, për të kryer transferimin paqësor të pushtetit siç kemi bërë për më shumë se dy shekuj”, u shpreh Biden gjatë fjalimit.
Në fjalimin e tij, Biden foli edhe për pandeminë ndërsa shtoi se vendi ndodhet në periudhën më vdekjeprurëse të virusit dhe mbajti një minutë heshtje për të gjitha viktimat e Covid-19.
“Duhet të përballemi me këtë pandemi, si një komb i vetëm…Do ta kalojmë këtë bashkë”, tha Biden.
Ndërsa, duke iu drejtuar botës, Biden tha se tashmë Amerika do t’i riparojë aleancat e saj dhe do të angazhohet me botën sërish.
Menjëherë pas marrjes së detyrës të re, ai ka bërë edhe një postim në Tëitter, që shënon edhe postimin e parë si president i SHBA-ve.
“Nuk kemi kohë për të humbur kur bëhet fjalë për të trajtuar krizat me të cilat përballemi. Kjo është arsyeja pse sot, unë jam duke shkuar në Zyrën Ovale për t’iu futur punës për të sjellë veprime të guximshme dhe lehtësim të menjëhershëm për familjet amerikane”, shkruan Joe Biden.
There is no time to waste when it comes to tackling the crises we face. That's why today, I am heading to the Oval Office to get right to work delivering bold action and immediate relief for American families.
— President Biden (@POTUS) January 20, 2021
