Lëkundjet sizmike në territorin shqiptar duket se nuk kanë të ndalur pasi pasditen e së shtunës, një tjetër tërmet ka tronditur vendin tonë.
Lëkundjet janë ndier rreth orës 15:46 në Lushnje, Fier e Tiranë si dhe në zonat përreth. Sipas ekspertëve të sizmiologjisë, tërmeti 3.5 ballë i shkallës Rihter ka pasur epiqendër 4 km nga qyteti i Lushnjes.
Mësohet se thellësia e tërmetit ka qenë 12 km dhe nuk janë raportuar dëme. Sakaq, një tjetër tërmet është ndier në zonën e Himarës rreth orës 10:30, me një magnitudë 2.4 ballë.
Këto lëkundje të reja vijnë vetëm pak kohë pas tërmetit të fuqishëm prej 5.6 ballësh të datës 4 korrik, ku u regjistruan edhe dëme materiale.
Burimi: Balkanweb
