Qemal Sela, i riu nga Dibra, i cili vetëm pak ditë më parë vrau dy prindërit ka dal sot para togave të zeza në Gjykatën e Krimeve të Rënda. Përpara trupit gjykues ai ka thënë se nuk ka vrarë dy prindërit e tij, por dy hije.
Nisur nga gjendja e tij e rënduar psikologjike, gjykata vendosi shtrim të detyruar për Selën. Ai do të dërgohet në spitalin e Shkodrës, ndërsa më vonë do të priten dhe të dhënat nga raporti mjekësor për 26-vjeçarin.
Pasi u dha vendimi për të, Qemal Sela akuzoi edhe gjykatësit duke thënë se ata janë të korruptuar.
26-vjeçari një ditë pasi u kthye nga Anglia, ku kishte emigruar prej rreth 7 vitesh, vrau me armë zjarri nënën e tij Zeqimete Selën 50 vjeç dhe të atin Fatmir Selën 55 vjeç. Ngjarja e rëndë ndodhi në zonën e njohur si Llixhat në Peshkopi.
Burimi: Panorama
