Robert Aliaj mori pjesë në festivalin “Kënga Magjike” me këngën “Ah ku më hodhi Zoti”. Ai ishte i ftuar mbrëmjen e sotme në emisionin “Zone e Lirë”, për të folur për protestën e studentëve, ku zbuloi edhe se nuk është kualifikuar në finalen e festivalit. Mirëpo, Aliaj nuk qëndroi aspak i heshtur, teksa theksoi se mbretëria e tallavasë eklipsoi mesazhin e këngës.
“Kjo këngë nuk injorohet. Është një këngë që flet vetë, justifikon të qënit këngë. Sepse në të vërtetë kënga është një mision më vete. Unë nuk flas për prapanicat e mia, përse më le e përsa të lash. Këto i këndon tallavaja shqiptare, që arriti të eklipsojë këtë këngë. Sfidohemi nga mbretëria e tallavasë. Unë nuk jam artist ‘Instagrami’.” – u shpreh Robert Aliaj.
Nga ana tjetër, këngëtari i bëri thirrje kolegëve të tij të mos bien pre e muzikës tallava, por të mbrojnë gjithmonë atë të vërtetën.
“I bëj thirrje artistëve të angazhohen dhe të jenë në terren, sepse kjo tallava po na bën një tallava popull. Eklipsojmë gjërat kapitale si kjo këngë. Gjithë kjo armadë e xhihadisatëve të tallavasë kanë arritur të talibanizojnë muzikën e vërtetë.” – përfundoi Aliaj.
Këngëtari Robert Aliaj tregoi se i janë dashur rreth tre vite për të bërë gati këtë produksion muzikor.
