Këngëtarja maqedonase, Jana Burçeska ka marrë surprizën e jetës në mes të spektaklit të Eurovizionit.
Pavarësisht se ajo nuk arriti të kualifikohej për në finale, me këngën “Dance Alone” gjatë mbrëmjes së djeshme i ndodhi diçka e jashtëzakonshme.
Aleksandar nga grupi i saj “Off Beats” i ka propozuar Jana Burçevskës, duke i dhuruar unazën e martesës para miliona shikuesve, në mes votimeve. Ata kanë qenë së bashku për dy vjet dhe presin fëmijë.
Ndërkohë, në finalen që do të mbahet të shtunën, do të shkojnë Bullgaria, Bjellorusia, Kroacia, Hungaria, Danimarka, Izraeli, Rumania, Norvegjia, Hollanda dhe Austria.
