Rita Ora po përflitet kohët e fundit për një romancë të mundshme me regjisorin e famshëm të filmave, Taika Waititi. Fillimisht ishte Rita ajo që nxiti thashethemet për lidhje, pasi publikoi në rrjete sociale një foto me regjisorin. Të dy ata dukeshin shumë të afërt me njëri-tjetrin, teksa Taika i kishte hedhur duart në qafë Ritës. Madje të dy ishin veshur gati njësoj me rroba nga marka e famshme “Gucci”.
Më pas, artistja shqiptare u fotografua teksa drekonte bashkë me regjisorin dhe personazhe të tjerë të famshëm në Sydney.
E mesa duket thashethemet për këtë romancë, janë të vërteta. Dyshja dolën për herë të parë si çift së fundmi në në Sydnei, Australi. Rita Ora dhe regjisori 45-vjeçar u panë duke dalë nga shtëpia e këtij të fundit në plazhin Bondi. Dyshja ishin shumë të afërt me njëri-tjetrin ndërsa shijonin një shëtitje.
Sipas informacioneve, ata janë në lidhje prej më shumë se një muaji, ndërsa këngëtarja ka qenë në Sydney për spektaklin “The Voice”. Megjithatë dyshja nuk kanë bërë asnjë lloj reagimi në lidhje me këto lajme dhe pyetja që po i mundon fansat është: a janë apo jo bashkë Rita dhe Taika?
Kujtojmë se Rita ka qenë para pak kohësh e ftuar në “The Kyle and Jackie O Shoë”, ku u vendos në siklet për jetën e saj private. Drejtuesit e programit e ngacmuan moderatoren për lidhjet e saj të dashurisë dhe në fakt Rita arriti t’i shmangej pyetjes me lezet.
“Mendoj se tashmë jam fokusuar tek të qenurit fit për të qenë e sinqertë”, u përgjigj këngëtarja pas një pauze të gjatë.
“Kjo është fantastike, mund të lexoj mes rreshtave”, ju përgjigj një nga moderatorët me shaka Ritës.
