Victoria dhe David Beckham janë një ndër çiftet që kanë fituar pëlqimin e miliona fansave kudo nëpër botë. Dyshja janë mjaft aktivë në rrjetet sociale, ku dhe ndajnë me fansat detaje nga jeta e tyre.
Së fundmi, Victoria ka ndarë imazhe ku janë vënë re detaje brenda rezidencës së saj super luksoze. 47-vjeçarja tregoi se si po e kalon fundjavën teksa pozoi duke zbritur shkallëve të shtëpisë në West London. Ajo u shfaq me një veshje elegante, dhe mbi fustan kishte një xhaketë të madhe dhe të zezë.
Kujtojmë se në fillim të këtij muaji, David Beckham festoi 46-vjetorin e lindjes dhe sigurisht dhuratën më të bukur nuk kishte nga ta merrte tjetër veçse Victoria-s. Në fakt surpriza e saj nuk ishte fare e zakonshme dhe madje i ka bërë të gjithë për të qeshur.
Victoria kishte mbushur shtëpinë me disa tullumbace, që pretendohet se portretizojnë David. Ajo publikoi në Instagram një foto të partnerit, i cili shfaqej i lumtur i ulur përkrah versionit të tij si tullumbace.
“Djali i ditëlindjes me shokët e tij! Gëzuar ditëlindjen!”, shkroi ajo.
Rreth tullumbaceve kishte dhe shumë dhurata që prisnin të hapeshin nga vetë David. Victoria dhe David janë bashkë që prej vitit 1999 dhe kanë bashkë 4 fëmijë, Brooklyn, Romeo, Cruz dhe Harper.
