“Miss Kosova” u vu në qendër në diskutimeve, vitin e kaluar pasi kurorën e më të bukurës e mori bukuroshja argjentinase, Camila Barraza.
Përzgjedhja e Barraza-s bëri që interesimi për këtë konkurrs të rritej, por kjo nuk mjaftoi për të mbajtur “Miss Kosovën” në këmbë!
Kosovës do t’i duhet të përfaqësohet edhe për të paktën 2 vite nga argjentinasja, sepse këtë vit nuk do të ketë “Miss Kosova”.
Në një prononcim për “Prive”, organizatorja Agnesa Vuthaj ka treguar se spektakli i bukurisë nuk do të organizohet këtë vit.
“Miss Kosova është një projekt që kërkon shumë përkushtim dhe një staf profesional për përgatitjen e vajzës për përfaqësimin e Kosovës në konkurse me shikueshmëri milionëshe. Ky aktivitet nuk po arrin të mbijetojë vetëm me vullnetarë të cilët kanë dhënë kontribut vit pas viti, me shpresë që një ditë kjo ngjarje kulturore do të gjejë përkrahjen e duhur institucionale”, shprehet Vuthaj.
Ajo ka shtuar se nuk ka pasur as fonde e as përkrahje financiare për të organizuar kompeticionin e bukurisë vitet e ardhshme.
