Zanfina Ismaili ka qenë padyshim një nga këngëtaret më të pëlqyera të publikut shqiptar vite më parë. Disa këngë të saj si: “Ti s’do t’ja dish për mua”, “Gajdexhiu”, “Nga 1 tek 10” dhe bashkëpunimi me motrën e saj Adelinën “Dy motra 1 frajer”, kanë qenë hite të vërteta në fillim të viteve 2000.
Mirëpo Zanfina ka 3 vite që nuk është aspak aktive në muzikë dhe kënga e fundit që ka publikuar është “S’je ai mo”. Ndërkohë që të gjithë mendonim se kjo mund të ishte një pauzë, njësoj siç bëri edhe Adelina disa vite më parë, në fakt nuk është e tillë. E ftuar së fundmi në emisionin “tetë a tetë” të motrës së saj, Zanfina ka zbuluar se ka marrë një vendim pa kthim pas.
Ajo tregoi se nuk do i rikthehet më muzikës dhe se kapitullin e saj të karrierës artistike e ka mbyllur përfundimisht. Zanfina tha se aktualisht po punon në dy profesione të ndryshme, por nuk ka preferuar të tregojë se për çfarë bëhet fjalë.
Më herët Zanfina ka treguar se është lodhur shumë me jetën si këngëtare dhe streset me të cilat shoqërohet, por askush nuk e kishte menduar se shkëputja ishte vendimi final i saj. final i saj.
