Prej javësh përflitej lart e poshtë se Elvana Gjata dhe Ylli Limani do të vinin me një bashkëpunim për herë të parë. Zërat u shtuan akoma më shumë pasi Ylli komentoi në një foto të Elvanës. Kjo e fundit postoi disa fotografi të saj dhe përkrah shkroi: “Përshëndetje!“.
“E di“, i komentoi Ylli, ndërsa Elvana ia ktheu: “Marre po të them!“. Më pas Ylli vazhdoi më tej, duke komentuar sërish: “Unë jam ka t’thom që e di!“.
Në këtë mënyrë ata lanë të kuptonin se dinin diçka të dy, që do e zbulonin më vonë për publikun. Dhe më në fund ky moment ka ardhur dhe ata kanë konfirmuar bashkëpunimin.
Elvana dhe Ylli kanë bërë të njëjtin postim në Instastory, pothuajse në të njëjtën kohë.
“Të shtunën… X2“, shkruajnë ata shoqëruar me emojin e një ore.
Kjo do të thotë se bashkëpunimi i tyre mund të vijë të shtunën, ndërkohë që detajet e tjera nuk dihen ende. Siç përmendëm më sipër kjo është hera e parë që dyshja bashkojnë forcat për një projekt të përbashkët dhe mezi po presim të shohim se ç’kanë përgatitur.
Sa i përket Elvanës, ky nuk do të jetë bashkëpunimi i vetëm që ka përgatitur. Po ashtua ditën e sotme ajo zbuloi se ka gati njëtjetër projektme dy emra të njohur ndërkombëtarë. Artistja shqiptare tregoi se do të vijë shpejt me një bashkëpunim me këngëtaren e famshme Inna, artisten e shumë hiteve si “Amazing”, “Sun is up”, “Deja Vu” e shumë të tjera dhe me muzikantin e njohur me emrin Sickotoy. Ky projekt i ri muzikor do të vijë nën titullin “Papa’ dhe të gjithë jemi gjithë sy e veshë për të zbuluar të tjera detaje rreth kësaj kënge që me shumë mundësi do të arrijë gjithë suksesin e dëshiruar.
View this post on Instagram
