Kylie Jenner dhe Travis Scott janë sërish zyrtarisht bashkë dhe fansat janë në qiellin e shtatë nga gëzimi! Lajmin e ribashkimit e ka konfirmuar vetë Travis, pasi bëri një deklaratë super romantike për “gruan e tij” (ashtu siç ai e quan Kylie-n) para miliona ndjekësve.
Teksa ishte duke marrë një çmim në Parsons Benefit, Travis konfirmoi se vazhdon ende të jetë i dashuruar me Kylie Jenner. Në fund të fjalimit të tij ai përshëndeti publikisht partneren dhe vogëlushen e tyre, Stormi.
“Stormi, të dua dhe grua, të dua”, u shpreh Travis dhe kaq u desh që të pranonte hapur rikthimin me Kylie Jenner.
Ndërkohë Kylie Jenner fluturoi këtë javë drejt New York-ut për të mbështetur reperin, pasi ai u nderua me çmim në 72-vjetorin e Parson Benefit. Madje çifti ndanë në rrjete sociale foto me njëri-tjetrin dhe vogëlushen e tyre, të shkëputura nga tapeti i kuq i eventit.
Ky ishte një moment shumë i rëndësishëm për dyshen, sepse kjo ishte hera e parë që Kylie dhe Travis kaluan bashkë në tapetin e kuq, që nga premiera e “Travis Scott: Look Mom I Can Fly” në gusht të të vitit 2019-të. Asokohe, Stormi ishte vetëm 18 muajshe. Dy muaj më vonë burimet për mediat e huaja thanë se Kylie dhe Travis ishin ndarë, për të marrë secili kohën e tyre veç e veç. Megjithatë tashmë ata sapo na konfirmuan se dashuria është më e fortë se çdo gjë dhe mund të mposhtë çdo pengesë.
