Suksesi kërkon që të sakrifikojmë nga shumë gjëra dhe Einxhel Shkira ka bërë pikësht këtë gjë.
E ftuar në emisionin “Tag”, Shkira foli për eksperiencën e saj si moderatore e programit “E diell”. Për të s’është aspak e lehtë pasi i është dashur të heqë dorë nga shumë gjëra, si pijet alkoolike apo daljet në darkë.
“Maksimumi i argëtimit tim tani është divani, televizori ndezur, 1 milion ushqime tek tavolina ngjitur me divanin”, tregon moderatorja.
Por gjithashtu, ajo duket se ka hequr dorë edhe nga lidhjet, pasi nuk ka më kohë.
“Kam lënë edhe gjëra të tjera, gjëra që fillojnë me ‘S’ që kur ka filluar ‘E diell’. Nuk kam pasur realisht nerva dhe kohë fare për t’u marr me asnjë njeri. E vetmja gjë që dua pas pune është të kthehem në shtëpi, të rri vetëm dhe të fle”, tregon ajo.
