Vetëm pak ditë më parë Cardi B dhe Nicki Minaj u përleshën fizikisht gjatë javës së modës në New York. Mirëpo duket se ky sherr nuk po përfundon me kaq, pasi po shoqërohet me akuza dhe kundër akuza të njëpasnjëshme.
Cardi B i është përgjigjur rivales së saj, Nicky Minaj nëpërmjet një postimi të ri në Instagram për pretendimin se kishte paguar për klasifikimin e saj në top listat muzikore.
Reperja e njohur ka publikuar në Instagram një post në të cilin na tregon se si albumi i saj debutues “Invasion of Privacy” është renditur si një ndër tre albumet më të mira të hip-hopit gjatë vitit 2018.
Ajo gjithashtu ka publikuar një video nga një koncert në vitin 2016 dhe ka shkruar: “29 korrik 2016! Jo label, jo ‘Radio Play’, freski nga dashuria dhe hip-hop, 200 mijë dollarë në llogarinë e bankës sime vetëm nga turi i parë. Askush nuk mund të më bëj të ndihem se kam mashtruar veten apo ju. Nuk e meriton të jetë kur ju e dini se sa unë punoj që të jem në krye. Faleminderit!”, përfundo Nicky në postimet e saj.
Pikërisht këto reagime erdhën pasi Nicky e akuzoi në programin e saj se ajo ndërtimin e karrierës së saj e kishte arritur me praktikën e pagesës së stacioneve radiofonike për të renditur atë në krye të top-listave muzikore.
