Shqipëria ka dështuar sërisht që të marrë një vendim pozitiv nga BE-ja për hapjen e negociatave.
President ii Këshillit të Europës, Donald Tusk ka konfirmuar mbylljen e takimit.
Ai gjithashtu ka bërë me dije, se në samit nuk pati diskutime për Shqipërinë dhe Maqedoninë e Veriut.
Tusk ka reaguar pas mbledhjes duke thënë: “Bëra gjithçka, nuk shkoi mirë”.
Pritet që në orët në vijim, KE të shpallë edhe konkluzionet e takimit.
Pas debateve të ashpra në Bruksel, mediat italiane bënë me dije se nuk u arrit që të bindej presidenti francez, Emanuel Macron si dhe Holanda me Danimarkën.
Macron këmbënguli se sistemi i pranimit në BE, ka nevojë për rregullim.
Parisi zyrtar e ka të qartë se Shqipëria dhe Maqedonia e Veriut nuk janë të gatshme të fillojnë procesin e anëtarësimit.
Disa liderë europianë kanë reaguar ashpër ndaj këmbënguljes së Francës.
Kryeministri italian, Giuseppe Conte është shprehur se takimi i djeshëm ishte një gabim historik.
Ndërsa eurodeputetja Tanja Fajon shkon edhe më tej, duke akuzuar Francën, se ka marrë peng BE-në.
Pas dështimit të radhës, Shqipëria dhe Maqedonia e veriut duhet të presin ende për të përmbushur aspiratat europiane./gazetareforma
