Debati mes Xhensila Peres dhe gazetarit Ronaldo Sharka në emisionin e këtij të fundit shkaktoi shumë bujë disa javë më parë. Gjatë një interviste Ronaldo e pyeti Xhensilën nëse punon si eskortë në Dubai dhe ajo nuk e priti fare mirë. Për t’ja kthyer me të njëjtën monedhë, Xhensila e pyeti Ronaldon nëse është gay, sepse opinioni publik mendon kështu.
Debati i tyre vijoi më tej në rrjete sociale, përmes postimeve thumbuese. Por siç duket gjërat mes tyre nuk u mbyllën as në Instagram dhe sot ata të dy u përballën në emisionin “Dua të të bëj të lumtur”. Ishte Ronaldo ai që kishte ftuar Xhensilën për të diskutuar dhe ndonëse pritje që gjakrat të qetësoheshin kjo gjë nuk ndodhi.
Ronaldo u shpreh se Xhensila e keqkuptoi pyetjen e tij dhe se në fakt nuk duhej ta kishte ftuar fare në emision, sepse është një person që nuk ka dhënë asnjë kontribut për publikun shqiptar. Megjithatë Ronaldo e pranoi se pyetjen mund t’ja kishte bërë në një formë më të butë dhe se nuk e kishte si qëllim në asnjë moment të denigronte figurën e Xhensilës.
View this post on Instagram
Ndërsa Xhensila këmbënguli në faktin që Ronaldo ja bëri 2 herë pyetjen, që do të thotë se kishte si qëllim të ulte figurën e tij. Ajo tha se nuk ka asgjë personale me Ronaldon, por duhej të bëhej dikush kurban që gazetarët të mos bëjnë më pyetje denigruese. Xhensila u shpreh se nuk i dogji asnjë fjalë e Ronaldos, por thjesht duhej të bëhej ai kurban që të mësonin të tjerët.
View this post on Instagram
Si përfundim ajo tregoi se edhe pas emisionit i kishte thënë Ronaldos se nuk mund të jenë më miq dhe pas debatit u largua pa u takuar me të. Nga ana tjetër Ronaldo tha se në të ardhmen ata mund t’i rregullojnë sërish raportet dhe theksoi se e gjithë kjo histori nuk është bërë me skenar nga ana tyre për të fituar vëmendjen e publikut.
