Një tjetër arritje në karrierën e Kendall Jenner. Modelja pozoi për numrin e ri të revistës “Vogue” të SHBA-së, në disa foto të mrekullueshme, ku ndërthuret natyra dhe ajo thotë: “Vërtetë që nuk kam asgjë për të fshehur”.
22-vjeçarja konfirmon se është në një lidhje me yllin e basketbollit Blake Griffin dhe zbulon se dëshiron të ketë fëmijë rreth moshës 28 ose 29 vjeç. Ajo gjithashtu i jep përgjigje edhe thashethemeve lidhur me prirjet homoseksuale.
Kendall tregon se është bukur të ketë dikë që sillet mirë me të. Sa i përket pyetjes për drejtimin e saj seksual, ajo thotë:
“Mendoj se janë përhapur pasi nuk jam si motrat e mia, që sillen kështu: “Këtu jam unë dhe i dashuri im”. Pra, ndodhi sepse nuk më kanë parë me ndonjë djalë. Gjithmonë do të shkoj në një vend të fshehtë për të qëndruar larg vëmendjes së publikut.
“Nuk mendoj se kam diçka në trup që më bën biseksuale apo lesbike, por nuk e di! Kush e di?! Nuk më pëlqen si eksperiencë, nuk jam kundër saj, por nuk e kam provuar kurrë”.
Ajo sqaron më tej:
“Gjithashtu e di që kam një lloj… energjie mashkullore? Por nuk dua të keqkuptohet, sepse nuk jam transgjinore apo ndonjë gjë tjetër. Por kam një energji të fortë. Por për t’iu përgjigjur pyetjes tënde: Nuk jam lesbike! Vërtetë që nuk kam asgjë për të fshehur. Nuk do ta fshihja kurrë diçka të tillë”.
Supermodelja tregoi se si ndihej e shkatërruar, pasi punoi për pothuajse 4 vite pa ndalim.
“I vura një qëllim vetes në fillim të 2017-s që të ngadalësoja, t’i kushtoja më shumë kohë vetes, të isha më selektive dhe jo vetëm që të bëja gjithçka që më thoshin agjentët”, rrëfehet Kendall.
Koha e saj e lirë i lejoi që të niste kalërimin sërish, diçka që nisi ta bënte që në fëmijëri.
“E kam bërë gjithë jetën, ishte jeta ime. Nuk më interesonte për asgjë tjetër, nuk më interesonte për meshkujt. Kjo është ajo që më bën vërtetë të lumtur”.
Ajo shpjegon se meditimi transcendent e ndihmoi që të qetësohet:
“Shumë njerëz në industri më thoshin se çfarë bëja për t’u qetësuar. Unë isha – “asgjë”. Por një ditë u tmerrova vërtetë, pata shumë ngarkesë dhe nisa ta provoja”.
